Diario (24/12/2012)
Hetan Numeru 3
LÚ-OLO: “Xanana 1, Horta 2 No Agora Hau 3”
Kandidatu ba Prezidenti Repúblika, Francisco Guterres “LÚ-OLO” hateten nia hetan numeru sorteiu Kandidatu Prezidenti 3 ne’e hatudu katak nia mak sei sai Prezidenti ba dala-3 depois Xanana ho Horta.
“Hau hetan iha numeru tolu (3) ne’e hatudu katak, agora maka atu sai Prezidenti Repúblika depois de PR Xanana, tuir fali Horta no agora hau”, koalia Kandidatu ba Prezidenti “LÚ-OLO” ho hamnasa ba Jornalista Diario, iha Farol, Dili, Kinta (23/02/12)
“Kona ba hau nia kandidatura, hau hanesan parte ida husi imi no sidadaun baibain ida husi Timor no Povu nia oan rasik, hau laos ema seluk I parte ida husi povu, tanba ne’e hau despoin hau nia a’an para atu ba Kandidatu ba Prezidenti Repúblika” koalia “LÚ-OLO”
LÚ-OLO hateten, naturalmente hanesan kandidatura, nia la dehan manan tiha ona, se manan tiha ona, entaun povu lalika ba tan ona eleisaun, mais vontade povu mak bo’ot liu, povu mak hili i se depois de hili maka foin hatene, ida ne’ebe manan no lakon.
“Hau nia komprimisiu maka ne’e, dala barak ita hare ita nia povu, ita nia inan, aman no oan sira sempre tanis iha tempu ida ukun rasik a’an ninian, laos tanis iha tempu ida susar nia laran,” haklaken “LÚ-OLO”
LÚ-OLO koalia, sidadaun Timor oan hotu tama iha ninia matan no hanoin, tanba saida maka buat sira ne’e hotu tenki mosu nafatin iha Timor-Leste, kuandu povu la merese atu tanis tan.
“Se povu tanis ona iha 4 Setembru wainhira referendum ne’e hotu, tanba saida maka tanis tan iha tempu ukun rasik a’an, hau hanoin katak, ida ne’e akontese laos husi povu ki’ik, maibe husi ami nai ulun sira ne’e maka hola inisiativa rasik hodi halo terus no hatodan tan ita nia povu ida ne’e. Buat hirak ne’e hotu maka tama iha hau nia matan.” Kestiona LÚ-OLO.
LÚ-OLO rasik deklara, nia bainhira eleitu ba Prezidenti Repúblika, nia sai Prezidenti Repúblika ba ema hotu i laos ba grupu ida ka, partidu ida ninian, ida ne’e nia lakohi. I Prezidenti ida halao nia kna’ar tuir Konstituisaun RDTL.
No comments:
Post a Comment