Apoiantes PTT 5000 Resin Suporta Lú-Olo

Image: timorhauniandoben.blogspot.com

Jornal INDEPENDENTE
Segunda, 12 Marsu 2012

“Apoiantes PTT 5000 Resin Suporta Lú-Olo”

Prezidenti Partidu Trabalhista Timor (PTT) Angela Freitas dehan, Partidu ne’ebe nia lidera, nia apoiantes kuaze nain rihun lima(5) resin sei fo votus ba kandidatu Prezidenti Republika Francisco Guterres “Lú-Olo” atu sai Xefe Estadu ba povu tomak nian.

Agela dehan, ho Lú-Olo mak nasaun Timor-Leste sei bele la’o diak, tamba durante nia akompaña iha situasaun saida de’it, Lú-Olo sempre lidera FRETILIN ho hametin pas no estabilidade iha Timor-Leste.

Prezidenti PTT koalia ida ne’e iha ninia deskursu, wainhira partisipa iha kampaña “Lú-Olo” nian, iha Distritu Liquisa, Sabadu (10/03) foin lalais ne’e.