Francisco Guterres "Lu-Olo": Orgulhu Partidu Seluk Apoiu Ha’u

Jornal Timor Post
Segunda-feira, 05 Marsu 2012

Francisco Guterres "Lu-Olo": Orgullu Partidu Seluk Apoiu Ha’u”

Kandidatu Prezidenti Republika (KAPREZ), Francisco Guterres Lu-Olo deklara, orgulhu bo’ot ba nia, tanba haree ba partidu seluk ne’ebe fo apoiu mos ba nia kandidatura hodi hetan Vitoria iha eleisaun jeral ne’ebe sei akontese iha loron 17 fulan Marsu ne’e.

“Hau senti Orgullu no onra bo’ot, tanba la’os Militante FRETILIN de’it maka fo apoiu mai hau, maibe, iha apoiante ka militantes husi partidu seluk mos fo apoiu mai hau atu sai Prezidenti republika,” hateten Lu-Olo iha nia kampanha, Domingu (04/02), iha Baucau.

Iha Lu-Olo ni kompromisiu politika ba misaun no vizaun ba Prezidenti Republika, wainhira eleitu sai Prezidenti, mak sei garante, defende rin estadu liu husi unidade nasional, paz no estabilidade.

“Husi ain fatin ne’ebe hau husik, hela imi hodi lao tuir hamutuk, husi tasi feto to’o tasi mane, hili para husik hau iha foho matebian tutun, kablaken nia tutun no foho ramelau nia tutun, mak hanesan Prezidenti Republika, tamba durante kampanha iha ditritu hotu imi hatudu ona katak, ita sei hetan Vitoria duni ba mehi iha 2012,” hateten Lu-Olo.

Lu-Olo hatutan tan, Povu maka valor tebes ba Estadu Timor-Leste , tanba dignidade nasaun atu buras nafatain, importante povu iha beran tomak hodi asesu riku soin tomak ne’ebe maka estadu iha, hodi sai nafatin ba mata-dalan unidade nasional.