Planu Governu Ba Infraestrutura Failla

Photo:TimorHauNiaDoben.Blogspot.Com

Notisia Husi TVTL 
Kuarta kalan, 29 Fevereiru 2012

Planu Governu Ba Infraestrutura Failla

“Lamentasaun Motorista: Matenek Barak Maibe Hanoin Ba Ninia Aan Deit No Hakarak Manan Prosentu De’it”

Dili hanesan kapital nasaun maibe estrada protokolu kontinua aat hodi fo impaktu ba movimentu trafiku, tuir motorista sira katak, tinan 10 ona ukun an maibe dezenvolvimentu infraestrutura seidauk hatudu rejultadu, Dili hanesan kapital do nasaun maibe kondisaun estrada protokolu kontinua aat, maske governu liu husi Ministru Infraestrutura hasai ona osan barak hodi hadia estrada publiku hirak ne’e.

Kondisaun estrada ne’ebe aat bele nota iha parte Kolomera Tasi ibun paria deskoteiru no estrada protokolu sira seluk iha kapital Dili, haree ba kondisaun ne’e motorista sira ne’ebe loro-loron hala’o movimentasaun iha sidade Dili la menta ho estrada ne’ebe kontinua aat ba beibeik, maske hetan ona reabilitasaun.

“Hau senti triste tebe-tebes tamba kondisaun estrada ne’ebe kontinua kuak, lolos maun bot sira mak tenki tau matan ba estrada ne’e,” dehan Motorista.

Motorista sira mos ezizi ba governu wainhira aloka osamentu ba area infraestrutura tenki gasta ho sustentablidade nune’e labele fo deit benefisiu ba seitor privadu, maibe tenki iha dezenvolvimentu iha area infraestrutura.

“se ita senti hanesan ita silu tiha batar la kleur dut moris fali, ne’e hanesan deit, ita mos haree matenek barak maibe haree deit ba ninia aan, nia uza Timor ne’e hanesan to’os deit, nia interese atu hadia Timor ne’e laiha, ne’e tuir hau nia hanoin, karik lolos ita nudar Timor oan tenki fo laran ba ita nia rain, servisu ho laran duni, ita labele servisu asal-asal deit, yang pentig to’o fulan hau iha osan ka atu hetan Pursentu sekian, atu diak ka ladiak, ne’e lalos,” lamenta kundutor Morotista.

Estrada ne’ebe aat hamosu asidenti trafiku no halo movimentu trasporte sempre hamosu problema.