Francisco Gomes La Realiza kampania Tamba Laiha Osamentu

childclipart.com

Notisia Husi TVTL  
Kuarta kalan, 29 Fevereiru 2012 

Francisco Gomes La Realiza kampania Tamba Laiha Orsamentu  

“Faustino Cardozo: Iha Duni Osamentu Ba Kandidatu PR Maibe 75% Deit”

Primeiru dia kanidatu Prezidenti Republika Francisco Gomes la halo atividade kampania tamba iha problema seluk no problema orsamentu. Tuir Planu kandidatu ne’e sei halao nia kampania iha Sabadau ne’e, iha distritu Ermera.

Tuir kalendariu CNE kampania ba eleisaun Prezidensial sei hahu iha loron 29, maioria husi kandidatu prezidenti republika hahu kampania maibe kandidatu Francisco Gomes labele realiza nia kampania tamba falta orsamentu.

Nune’e mos Kandidatu Prezidenti Manuel Tilman seidauk hala’o kampania iha loron primeiru, tuir orariu ne’ebe determina tamba sei foti tempo hodi prepara antes tun ba iha terenu no tamba iha problema lojistiku iha Dili, nune’e mos tamba problema Banku nian hodi suporta ba kamoania.

“Ami ohin labele hala’o kampania, ami sei hala’o iha sabadu no bazeia ba orsamentu ne’ebe ami iha rasik, ohin ami la bele hahu tamba osamentu husi estadu Partidu Aileba nunka hetan duit ida, tamba ne’e mak ami sei uza rasik ami nia osamentu ba kampania, ba fatin seluk, se ami laiha kbiit ba osamentu ami sei halo deit door to door,” dehan Porta Vos.

Hatan ba preokupsaun kandidatu Francisco Gomes, Prezidenti Comisaun Nasional Eleisoens (CNE) hateten iha duni subsidiu husi governu ba kandidatu Prezidenti ida-idak maibe to’o oras ne’e CNE seidauk simu subsidiu ne’e.

“CNE to’o ohin loron, ita hatene katak, osan ne’e iha i ami mos informa ona ba kandidatu sira ida-idak katak, sei iha subsidiu 10.000 maibe osamentu ida 10.000 ne’e CNE sei la transfere tomak, sei trasfere deit 75% husi 10.000, 25% CNE sei kaer hela atu obriga kandidatu sira hamutuk ho ida-idak ninia ekipa susesu kumpri tuir dever legal ne’ebe mak iha,” deklara Prezidenti CNE Faustino Cardozo.

Jose Soares mos hatutan tan katak, ekipa susesu iha ona planu atu halo kampania iha distritu Ermera, Oekuse, Bobonaro, Suai, Ainaro, maibe karik laiha kbiit kandidatu ne’e sei hala’o kampania door to door ba militante sira.