PN Aprova Voto de Pesar Ba Francisco Xavier do Amaral

Image: TimorHauNiaDoben.Blogspot.Com

Notisia Husi TVTL
Tersa Kalan, 06 Marsu 2012

PN Aprova Voto de Pesar Ba Francisco Xavier do Amaral

“Estanislau da Silva: Xavier Fo Nia Vida Tomak Hodi Liberta Rai No Povu Timor-Leste”

Parlamentu Nasional hala’o aprovasaun votu de pezar ba Proklamador Francisco Xavier do Amaral ne’ebe fila hikas ona ba Aman maromak Tersa-feira semana ne’e iha Hospital Nasional Guido Valadares (HNGV), Dili.

Deputadu sira vota ho unaminidade (é a completa concordância por todos) ba rejolusaun de pesar ba matebian Proklamador Francisco Xavier do Amaral ne’ebe hanesan Primeiru Prezidenti da Republika ba povu no nasaun Timor-Leste.

Prezidenti Interinu Parlamentu Nasional Maria Paixaun hateten, rejolusaun ne’e halo atu fo honra ba Xavier do Amaral ne’ebe durante ne’e fo nia kontribuisaun ba povu Timor-Leste.

Ba kestaun ne’e deputadu husi Bancada FRETILIN Estanislau da Silva hato’o laran triste ba proklamador Francisco Xavier do Amaral ne’ebe fila hikas ona baa man maromak nia kadunan, tamba Timor-Leste lakon nia Lider Nasional ida, ne’ebe fo nia vida tomak hodi konsege Timor-Leste ukun rasik aan.

“Katuas Xavier nu’udar Proklamador RDTL, nia husik ona ita, ne’e hanesan ita lakon ita nia lider diak ida, Avo Xavier mos fo nia vida tomak ba Timor nia ukun rasik aan, ema ida ne’ebe mak fo laran tomak ba rai no povu ida ne’e,” dehan Estanislau.

Parlamentu Nasional mos husu ba orgaun kompotente atu halo karimbu de kanselamentu ba Buletin de Votu ba kandidatu Francisco Xavier do Amaral.

Tuir orariu, Parlamentu Nasional sei halo ultimo do menazen ba matebian Xavier do Amaral iha tuku 09 dader iha Plenaria Parlamentu Nasional.