Notisia Husi TVTL
Tersa Kalan, 06 Marsu 2012
STAE Sei Tau Karimbu de Kanseladu Ba Kandidatu PR Francisco Xavier
“Faustino Cardozo Husu Hapara Atividade
Kampaña Ba Kandidatu PR Francisco Xavier Nian”
Kampaña Ba Kandidatu PR Francisco Xavier Nian”
Prezidenti CNE Faustino Cardozo husu ba ekipa susesu kandidatu Francisco Xavier do Amaral atu hapara nia atividade iha teritoriu laran, tamba kandidatu rasik oras ne’e dadaun fila hikas ona baa man maromak, maske nune’e ekipa susesu kontinua iha direitu ba subsidiu husi governu ho montante US$10.000.
Relasiona ho kandidatu Francisco Xavier do Amaral ne’ebe fila hikas ona ba aman maromak, iha sesta-feira tuku 08:45 Otl, Comisaun Nasional de Eleisoens (CNE hamutuk ho diretur jeral STAE Tomas Cabral realiza plenaria hodi desidi hapara atividade kampaña ekipa susesu, matebian kandidatu Francisco Xavier do Amaral.
“Atividade kampaña Sr. Francisco Xavier do Amaral mos remata ona ho kandidatu ninia mate, STAE tenki tau karimbu kanseladu ba kandidatu Francisco Xavier do Amaral ninian iha voletin de votu, kanseladu signifika labele vota ona ba Kandidatu Francisco Xavier do Amaral, ami mos haree ba oin aktividade kampaña Kandidatu Francisco Xavier nian labele hala’o ona,” dehan Faustino Cardozo.
Enkuantu, atividade kampaña 12 seluk sei kontinua nafatin, Faustino Cardozo mos afirma tan katak, atividade kampaña Avo Xavier, nia kansela ona, maibe ekipa susesu iha nafatin subsidiu ne’ebe sei intrega husi Ministeriu das Financas.
Ba kestaun ne’e, Diretor Jeral STAE Tomas Cabral hateten, STAE pronto atu hala’o edukasaun votante no mos taka karimbu kanseladu ba naran fotografia no emblema kandidatu Xavier do Amaral ho numero 4.
Tuir planu prosesu tau karimbu hahu iha loron 7 to’o loron 9 fulan Marsu.
No comments:
Post a Comment