Familia Pasiente HNGV Nain 100 Resin La-Konsege Vota Iha Eleisaun Segunda Ronda

Image: un.org

Jornal INDEPENDENTE
Kuarta, 18 Abril 2012

“Familia Pasiente Iha HNGV Lakon Direito Votus”

Familia Pasiente iha Hospital Nasíonal Guido Valadares (ONGV) nain 100 resin la-konsege ezerse sira nia diretu votu iha eleisaun segunda ronda ne’e.

Familia pasiente sira la-menta, tanba tuir sira katak, lei Eleitoral ne’ebe Sekretariadu Tekniku Administrasaun Eleitoral kria mak impede sira atu ezerse sira nia direitu votu.

Familia pasiente ida, Domingos Siquera, hatete, nia senti triste tamba la-konsege hetan oportunidade hodi hili lider ne’ebe tuir nia hakarak atu sai ulun ba nasaun ne’e.

“Ami lamenta no triste, núdar Timor oan la-bele fo ami nia votus ba lideransa ne’ebe atu ukun nasaun no povu ida ne’e,” dehan Domingos iha ONGV, segunda (16/04).

Domingas konsidera, la-vota, hanesan mos lakon oportunidade atu deside rasik nia direitu ba tinan 5 oin mai.

“Wainhira hau atu ba vota, maibe sira (Brigada STAE) dehan la-bele, tanba fo deit ba pasiente sira, hau senti atu tanis,” deklara Domingas.