Prezidenti Eleitu Taur Matan Ruak Promete Rezolve Problema Veteranus, Faluk no Oan Kiak Ho Programa 15

Image: article.wn.com

Jornal INDEPENDENTE
Kuarta, 18 Abril 2012

“Taur Promete Rezolve Problema Veteranus, Faluk no Oan Kiak”

Kandidatu PR Taur Matan Ruak, promete atu resolve problema veteranus, faluk no oan kiak sira, wainhira eleitu sai PR ba periodu 2012-2017.

TMR dehan, nia sei haka’as a’an hodi bele trasa promesa ne’ebe nia halo durante iha nia kampaña ba eleisaun Prezidensial.

Ba kestaun ne’e Koordenador ekipa susesu TMR Distritu Lautem, Tito da Concecao hato’o, iha programa prioridade 15 ne’ebe mak nia hakarak trasa wainhira nia eleitu sai PR.

“Programa hirak ne’e liga ba ema nia moris, nia (TMR) sempre hare’e ida ne’e hotu no sei halo buat ne’ebe nia halo atu nune’e nasaun ne’e bele la’o ba oin,” dehan Tito.

Tito fiar katak, bainhira TMR eleitu sai PR, nia sei kumpri nia promesa hodi hadia povu nia moris ba moris diak.