Governu AMP Besik Remata “Mario Carascalao: Governu Koko Halai Husi Problema Edukasaun”

Image: odanmatan.blogspot.com

Jornal INDEPENDENTE
Kinta, 12 Abril 2012

Mandatu Governu AMP Besik Remata

“Mario Carascalao: Governu Koko Halai Husi Problema Edukasaun”

Governu realmente hatudu nia preokupasaun ba problema eduksaun iha rai laran, maibe, iha implementasaun la-iha, tenta halai husi problema edukasaun, tanba laiha seridade atu hasa’e kualidade edukasaun.


Deputadu Mario Viegas Carrascalao hateten, rekoñesimentu ba situasaun real, ne’e hatudu lideransa ne’ebe iha honestidade diak, maibe intermus politika mosu persesaun seluk.


Nia hatutan, problema eduksaun kontinua la-rejolve tamba frakeza husi Xefe Governu rasik ne’ebe la-kontrola masimu ba ninia membru sira.


“Lolo’os Primeiru Ministru tenke husu relatoriu kada semana ba ninia Ministru sira, atu xefe Governu mos identifika iha terenu,” deklara nia.


Ba kestaun ne’e mos hatutan husi, Vise Diretor ONG Luta Hamutuk, Joaozito Viana hateten, tinan hira ona dezenvolvimentu edukasaun kontinua sai preokupasaun bo’ot, tanba Governu rasik la-iha politika klaru.