Rekomendasaun CAVR No CVA Laiha Rekoinesementu Maka’as Husi Governu

Image: riddip.com

 Jornal INDEPENDENTE
Segunda, 23 Abril 2012

Povu Sai Vitima
“Governu Kontinua Abandona Vitima (1975-1999”

Diretor Organizasaun Naun Govermental HAK, Rogerio Viegas Vicente hateten, estadu TL tinan barak ona seidauk fo direitu lolos ba vitima funu naruk ida ne’e.

“Ami preokupa maka’as tamba Governu ida ne’e (AMP) kontinua la preokupa vitima no funeral sira nia moris, la kleur ita selebra tinan 10 independensia, HAK Preukupa situasaun ne’e,” dehan Rogerio ba INDEPENDENTE foin lalais ne’e iha nia kna’ar fatin Farol, Dili.

Alende ne’e, rekomendasaun husi CAVR no CVA ne’ebe la dun iha rekoinesementu maka’as husi Governu.

Tanba durante ne’e, Governu seidauk hatudu realidade ruma hodi dignifika vitima violasaun direitu humanus sira.

“Sira sai vitima no kontinua vitima iha ukun a’an, tamba politika Governu laiha serteza didiak, atu dignifika sobrevivente,” deklara nia.

Diretor HAK ne’e hateten importante tebes orgaun lezislador aprova lalais lei refere hodi fo duni valor ba Timor oan ne’ebe sai vitima ba funu naruk ida ne’e.