Jornal Timor Post
Segunda, 07 Maiu 2012
“Stratejia FRETILIN Bá Eleisaun Parlamentar”
Atu kompete iha eleisaun Parlamentar, 7 Julhu mai, lideransa Comite Central FRETILIN (CCF), halo estratejia iha nivel Distrital. Stratejia Politika CCF ne’e mak halo sorumutu ho estrutura Distrital hodi aprejenta lista kandidatus, membrus bc Parlamentu Nasional periodu 2012-2017 nian.
“Ami nia sorumutu ho maluk sira husi Distritu Aileu, atu trasa planu bá hasoru eleisaun Parlamentar, inklui halo avaliasaun servisu maluk sira durante iha Aileu bá eleisaun Prezidensial, informa Koordenadora Rejiaun III partidu FRETILIN, Josefa Pereira, bá Timor Post, Sabadu (05/05), iha salaun Timor klaran, Aileu.
Nia esplika, eskipa ita forma ema nain lima kada suku, nune’e sira bele hala’o servisu, hodi identifika kada Suku no Aldeia nesesidade sira nian, para oinsa nesesidade hirak ne’e, ne’ebe mak prioridade bele hatama iha Planu Partidu FRETILIN nian, wainhira manan iha eleisaun Parlamentar hein implementa deit.
Entertantu, reprejetante membru Parlamentu Nasional, Partidu FRETILIN, Distritu Aileu, Jose Antonio, kofesa, karik Partidu FRETILIN manan duni iha eleisaun Parlamentar, sei servisu tuir manual politika partidu nian no sei defende aspirasaun povu Aileu nian.
No comments:
Post a Comment