Governu PM Xanana Gusmao Abandona Kantor Timor Oan Hodi Selu Osan Bo'ot Artista Rai Liur

Jornal Timor Post
Tersa, 08 Maiu 2012

“MTCI Abandona Artista Timor Oan”

Artista kantor Timor oan sira senti triste abandonadu, tamba Ministeriu Turismu Comersiu Industria (MTCI) sempre aluga artista husi rai liur ne’ebe mai hananu minutu 20 deit tenki selu ho osan ne’ebe kuantidade bo’ot.

Kritika sira ne’e, artista Timor oan hato’o tanba lamenta ho MTCI ne’ebe konvida artista husi rai liur, no estraga povu nia osan saugate deit.

“Ema sira iha MTCI mesak katuas deit, konvida artista husi CPLP so para halo sira relembra sira nia tempu pasadu, wainhira sira hamutuk ho portugues sira iha momentu ne’eba,” hateten Kantor, Leo Moniz, via telefone bá Timor Post, segunda (07/05).

Nia hateten, hare bá kondisaun real, artista barak mak seidauk bele kompete ho artista rai liur, ne’e depende no fator ida mai duni husi Governu, tanba durante ne’e lá fo espasu bá artista rai laran hodi promove a’an.

Nune’e mos, Artista Galaxi, Melcior Fernandes, hateten, Governu durante ne’e lá promove no lá konsidera artista Timor oan sira, tamba ne’e mak eventu bo’ot, sira sempre konvida artista husi rai liur. Tuir sira nia hare mos, durante ne’e, Governu fo importansia liu bá ema rai liur duke Artista Timor oan.