Jornal Timor Post
Segunda, 07 Maiu 2012
“EPS Maubisse Menus Karteira”
Kondisaun karteira hanesan meja no kadeira menus, halo alunus sira iha eskola Pre-Sekundario Sao Paulo No. 3, Maubessi, alunus barak mak tenke tur deit iha rai hodi akompaña prosesu aprendizazen.
“Problema ne’ebe mak ami hasoru, em geral maka kadeira ho meza, tanba alunus sira sei tur hela iha rai hodi simu materia,” informa diretor eskola, Pe. Felisano Soares, iha nia knar fatin, sesta (04/05).
Diretor ne’e haklaken, kadeira ho meza sira uza fali deit eskola primaria nian hodi fo bá alunus sira, hodi bele tur para simu materia. Profesor sira barak mak tur sena malu deit kuandu iha tempo izame, ida ne’e araska tebes bá mestre sira atu kontrola.
Nia hatutan, defikuldade seluk mak hanesan, menus professor atu hanorin, difikuldade ida tan mak kurikulum ne’ebe Edukasaun halo, livru sira ne’e mos halai se'es kurikulum ne’ebe Edukasaun haruka bá eskola hirak ne’e.
Defikuldade seluk ida mak, professor sira ne’ebe hanorin iha eskola ne’e senti hanesan abandona husi Ministeriu Eduksaun, tamba lá rona informasaun husi Edukasaun nasional liu-liu kona bá formasaun bá professor sira.
No comments:
Post a Comment