Segunda, 07 Maiu 2012
“FIFA Triste SEJD Lá Fo Importansia Bá Arbitrazen Timor Oan”
Reprezetante Federation Internasional Football Amateur (FIFA) iha Asia, Azimi Abdullah, lá satisfeitu ho atetude Sekretariu Estadu Juventude Desportu (SEJD), ne’ebe lá fo lisensa bá arbitrazen Timor oan atu tuir izame track line iha Estadium Municipal Dili.
Referees Development Office FIFA ne’e dehan, ida ne’e hatudu katak, SEJD lá fo importansia bá arbitrazen sira.
“Imi mak lakon oportunidade ne’e, tanba aban hau fila ona ba hau nia rai, kada tinan kada membru FIFA hetan oportunidade ida deit hodi fo formasaun kona bá arbitrazen,” tenik Azimi iha sentru desportu xanana, Dili, Domingu (06/05).
Tuir nia, ezame track line ne’e importante tebes bá arbitrazen hodi bele prienxe kriteria FIFA.
Iha fatin hanesan, Xefe Departementu Arbitrazen, Federasaun Football Timor-Leste (FFTL), Gelasio da Silva, dehan, durante ne’e ema barak mak kestiaona kredibilidade no profesionalizmu arbitrazen iha TL, maibe kuandu atu halo treinamentu Governu mak lakohi fo fatin.
Tuir nia, hahalok ne’e dereitamente oho futuru arbitrazen Timor-oan nian.
Entertantu, Sekretariu Jeral FFTL, Amandio de Ataujo Sarmento, informa, iha loron 2 Maiu 2012, molok reprezetante FIFA fo terinamentu bá arbitrazen sira, nia parte haruka tiha ona karta pedidu ho numeru ref:AS-SG/FFTL/2012 bá Diretor Nasional Desportu, SEJD, hodi husu atu uza Estadium Munisipal hodi fo ezame track line bá arbitrazen sira.
Maibe, to’o tempo atu uza, SEJD fo autorizasaun bá seguransa sira hodi labele premite atu uza kampo refere, ho razaun du’ut iha kampo laran sei nurak hela.
Treinamentu ne’e foin remata iha Domingu, liu husi fahe sertifikadu FIFA, iha treinamentu ne’e, participante, Joel da Costa, mak hetan valor diak hodi konsege hetan bandeira husi FIFA.
No comments:
Post a Comment