Lucia Lobato Nia Kaben Americo Lopes Hakilar Juis Balun Otonomista

Jornal INDEPENDENTE
Kuarta, 02 Maiu 2012

“JSMP Kritika MJ Lucia Nia Kaben”

Organizasaun Naun Govermental, Programa Monitorizasaun bá Sistema Judicial iha Timor-Leste (JSMP), kritika arguida Ministra Justica, Lucia Lobato nia laen, ne’ebe hakilar ‘autonomista’ ba juis balun, bainhira hala’o julgamentu bá kazu korupsaun, iha Tribunal Distritu Dili.

Americo Lopes akompaña nia kaben, arguida Lucia Maria Brandao Freitas Lobato, iha loron 24 Abril liu bá, hodi hala’o primeira julgamentu bá akuzasaun tolu ne’ebe nia kaben involve.

JSMP konsidera deklarasaun Americo ne’e hanesan presaun ida hasoru Tribunal.

Tuir diretor JSMP, Luis Sampaio, katak, julgamentu bá kazu arguida Lucia Lobato lao tuir prosesu normal maibe, parte Tribunal sei halo hela produsaun bá provas ne’ebe mak iha.

JSMP mos konsidera kazu ne’ebe involve Ministra Justica Lucia iha Gravidade (tingkat keseriusan) ne’ebe tenki iha formasaun Juis panel.

Tuir ajenda katak, Tribunal Distritu Dili sei hahu fali julgamentu bá kazu ne’e iha loron 23 to’o 25 maiu tinan ida ne’e.