PM Xanana Gusmao Lá Autoriza Intelejensia Buka Tuir Autor Karta Anonimu

Jornal INDEPENDENTE
Kuarta, 02 Maiu 2012

PM Xanana Lakohi Intelejensia Buka Tuir Autor Karta Anonimu
“Deputada FRETILIN: Karta Anonim Ne’e La’os Foin Akontese Maibe Bei-beik Ona”

Primeiru Ministru Xanana Gusmao sei lá autoriza, nia intelezensia bá buka tuir autor karta anonimu ne’ebe hatu’un nia integridade inklui Prezidenti Republika eleitu, Taur Matan Ruak.

Nia konsidera autor bá karta anonimu ne’e senti fuan kanek no laran moras ho rezultadu eleisaun Prezidensial, ne’ebe hili Taur Matan Ruak bá Prezidenti foun.

PM Xanana mos husu bá autor ne’e atu brani hatudu a’an ba publiku, hodi nune’e labele toman ho hahalok a’at ne’e.

Nia dehan, iha Parlamentu Nasional, iha Demokrasia, Partidu opozisaun kritika Governu iha debate orsamentu, maibe iha kotuk sira dame malu.

Xanan fo exemplo katak, foin lalais PR Horta kritika nia iha media Australia, maibe nia parte senti ida ne’e Demokrasia diak ida atu nia simu no halo reflesaun, karik halo sala.

Kona bá akuzasaun prezidenti partido CNRT sosa votus, Xanana dehan, ne’e nudar akuzasaun beik-ten.

Bá kestaun ne’e, Deputada FRETILIN, Josefa Pereira, hateten, durante ne’e dala barak ona mosu karta anonimu no ema lá dun kestiaona hanesan Primeiru Ministru kestiaona, tamba karta anonimo ne’e mos dala barak hasoru lideransa FRETILIN, maibe Lideransa FRETILIN lá kestiaona.

“La’os foin mak karta anonimu ne’e mosu, dala barak ona I laos foin hasoru Primeiru Ministru. Durante ne’e ema halo bá ami (FRETILIN) nia lideransa, ami nonok deit, tanba saida mak tenke kestiaona karta ne’ebe mak lalos,” deklara Josefa.