Tersa, 08 Maiu 2012
“Pe. Joao Aparicio: Ukun Labele Ho Ideolozia Kapitalizmu”
Pe. Joao Aparicio SDB, reprejetante sosiedade civil hateten, partidu politiku sira atu ukun nasaun tenke iha prinsipiu politika ida ne’ebe diak bá dezenvolvimentu povu nia moris, la’os hari’i partidu hodi ukun tanba idelogia kapitalizmu, atu kontrola, dumina deit osan rekursu naturais, mina no gas nian.
Pe. Aparicio mos dúvida, tanba sá mak partidu barak mosu tan iha Timor-Leste, keta hanoin atu dumina deit osan mina no gas nian, maibe osan rekursu naturais ne’e povu nian e tenki hadia povu nia moris, karik sai ukun iha nasaun ida ne’e labele domina buat hotu-hotu hodi hakarak han mesak deit.
Maibe tuir nia hare katak, partidu ne’ebe agora rejistradu iha CNE barak mak hakarak ukun mesak, tanba deit atu kontrola, dumina osan mina no gas nian, maibe lahanoin ona nasaun ne’e atu bá ne’ebe los i ukun lá tuir povu nia hakarak.
Tanba ne’e, Pe. Aparicio haklaken, tuir maromak nia ukun fuan, katak, wainhira ita servisu la’os servisu mesak, maibe servisu ne’e ajuda mos husi ema seluk nia kontribuisaun mak ita hetan susesu, para hodi garante nudar serviso humanu, maibe to’o hetan nia rejultadu, dala ruma utiliza bá nia a’an deit (Egoisme Social).
No comments:
Post a Comment