Ramos Horta Observa Governu AMP Lá Tau Atensaun Ba Povu Nia Moris

Jornal INDEPENDENTE
Kuarta, 02 Maiu 2012

Governu Lá Tau Atensaun Ba Povu Nia Moris
“Horta: Kondisaun Moris TL Halo Ema Frustradu”

Prezidenti Repúblika, Jose Ramos Horta, observa katak, kondisaun moris iha Timor-Leste halo ema moris frustradu, tanba governu seidauk fo atensaun masimu hodi hadia povu nia moris.

Tuir nia hare’e, dala barak moris iha Timor-Leste familia ida ema barak demais hodi provoka frustradu iha familia no sosiedade nia laran.

Pior liu, Horta dehan, kondisaun eskola iha Timor-Leste ne’ebe sediauk diak, halo estudante sira husi foho mai butuk hamutuk iha Dili, depois fatin laiha, han hemu mos laiha.

Horta dehan, Governu tenke esforsu hodi loke kampu servisu ba juventude sira para bele moris iha kondisaun ida ne’ebe diak.

Relasiona ho loron mundial bá trabalador sira, nia dehan, Governu ho emprezariu sira tenki hadia diak liu tan bá trabalador sira.

Governu ne’ebe mai, sei mai iha tinan lima mai oin, tuir nia, tenke tau matan diak liutan bá joventude nia dignidade hodi bele realiza.