Deputadu PSD, Tara: Ministru Defeza (Xanana Gusmao) tenki responsabliza, tanba bainhira gasta povu nia osan ba interese nasaun nian tenki liu husi estudu ida ne’ebe klean.

Image: www.zimbio.com

Jornal INDEPENDENTE  
Kinta-feira, 01 Marsu 2012

“Ro'o F-FDTL Abandonadu, MD Halo Sala Boot”

Deputadu iha Parlamentu Nasional konsidera Governu liu husi Ministeriu Defeza, ne’ebe lidera husi Xanana Gusmao halo sala bo'ot tanba ro'o rua ne’ebe sosa husi Xina ho osan US$28 Milloens labele halo operasaun iha tasi korta soul.

“Ita sosa tiha ro'o maka foin halo fali estudu, hau hanoin sala bo'ot ida sira (Governu) halo,’ dehan Deputadu Augustu Tara ba Independente horsehik, (29/02).

Deputadu husi bancada PSD ne’e dehan, lolos antes governu atu sosa ro'o tenki halo estudu no prepara infraestrutura.

“Hau senti, bainhira ro'o ne’e atu sosa, tenki halo estudu, para roo' ne’e mai halo operasaun, se ro'o ne’e mai para tau hela deit, ne’e labele,” dehan Deputadu tara.

Tara dehan tan,” ne’e responsablidade Ministeriu Defeza (Xanana Gusmao) nian, ita tenki prepara sasan hotu-hotu maka hola ro'o, maka mai prepara fali sasan,” Tara dezafia.

Tara dehan, Ministru Defeza (Xanana Gusmao) tenki responsabliza, tanba bainhira gasta povu nia osan ba interese nasaun nian tenki liu husi estudu ida ne’ebe klean.