Estanislau Da Silva: Parte Kompania no Governu Tenki Responsabliza Ba Roo Ne’ebe Labele Halo Operasaun

TimorHauNiaDoben.Blogspot.Com

Jornal INDEPENDENTE  
Kinta-feira, 01 Marsu 2012

“Estanislau Da Silva: Parte Kompania no Governu Tenki Responsabliza Ba Roo Ne’ebe Labele Halo Operasaun”

Deputadu Estanislau da Silva husi bancada FRETILIN iha Parlamentu Nasional hatete, molok sosa roo rua ne’e, Governu aprezenta ona dezenhu no kapasidade ne’e ho natoon atu halo operasaun iha tasi mane para labele estraga povu nia osan.

Maibe agora maka labele halo operasaun, Estanislau dehan, Responsablidade ne’e tenki husu ba kompania ne’ebe maka manan kontratu atu halo roo ne’e mai TL no governu mos tenki responsabliza tamba osan ne’e povu nian.

“Tenki husu responsablidade ba kompania se deit maka manan kontratu para halo roo ne’e mai Timor, roo ne’e mai husi Xina tenki husu responsablidade,” dehan nia.

Deputadu Opozisaun FRETILIN ne’e dehan tan, Governu mos tenki responsabliza tanba simu roo ne’e la haree uluk.

Ba kestaun ne’e, parte husi Sekretariu estadu Defeza Julio Tomas Pinto lakohi fo nia komentariu kona ba kestaun roo F-FDTL ne’e.

“Nenee lalika koalia, depois kandidatu Prezidenti mak ita koalia,” dehan Sekretariu Estadu Defeza ne’e.