Povu Hatudu Governu AMP Nia Frakeiza: “Komunidade Organiza Malu Taka Estrada Kuak”

Image: theconversation.edu.au

Notisia Husi TVTL  
Sabadu Kalan, 03 Marsu 2012  

Povu Hatudu Governu AMP Nia Frakeiza 

“Komunidade Organiza Malu Taka Estrada Kuak”

 
Komunidade sub Distritu Jumalai Distritu Covalima hala’o inisiativa rasik hodi hadia sira nia estrada ne’ebe aat, komunidade iha fatin refere husu ba governu atu fo apoiu hodi hadia estrada ne’ebe kontinua kuak.

Estrada ne’ebe kontinua kuak, kleur ona obriga komunidade sira hamosu inisiativa hodi kolabora hamutuk haida estrada publiku ne’e.

Tuir komunidade iha ne’ebe hala’o taka estrada kuak ne’e katak, maske aktividade ne’e la hetan apoiu husi Governu maibe, komunidade sira senti haksolok, maibe komunidade Jumalai husu ba governu atu tau matan ba estrada iha fatin ne’e, atu bele fasilita moimentu transporte publiku.

“Bot sira liu ba liu mai, haree liu deit, la halo, la taka, tamba ne’e maka ami organiza malu mai taka kuak ne’e,” dehan komunidade.

Aktividade ne’ebe hala’o volontariamente husi komunidade sira, aliende hanesan ezembplu ba governu nu’udar mos hatudu governu ne’ebe kaer ukun nia frakeiza iha area infraestrutura.